Naglalakad na kami pabalik ng sasakyan. Pero tahimik na si Bella. Hindi tulad kanina na sigaw ng sigaw sa pangalan ng kaibigan niya. Alam kong iniisip niya ang nangyari. Ewan ko ba kung anong nakita niya at ganun na lang siya makareact.
Aaminin kong kinakabahan ako kanina sa mga kilos niya. Lalo na't siguradong sigurado siya sa nakita niya. Kahit papaano ay umasa din ako na totoo ang sinasabi niya. Pero wala naman akong nakita kaya naisip ko na baka namalik mata lang talaga siguro siya.
Malapit na kami sa sasakyan ng may pumaradang kotse sa unahan. Bumaba ang isang taong ayaw kong makita hanggang ngayon. Si Brandon. At malayo pa lang ay nakakunot na ang noong nakatitig sa aming dalawa ni Bella. Alam kong nagulat si Bella ng makita si Brandon pero hindi niya pinahalata.
"Anong ginagawa n
