Inayos ni Bryan ang lahat ng mga gamit na dadalhin niya tungo sorsogon. Pagkatapos kasi ng kasal ng matalik na kaibigan na si Edward ay agad na tutuloy siya sa sorsogon. Wala siyang balak magpahinga sa paghahanap ng asawa niya. Hindi niya lang talaga alam kung bakit parang may nag-uudyok sa kanya na sundin ang suhestiyon ng matalik na kaibigan na si Brixton.
Bitbit niya ang duffel bag na naglalaman ng kanyang mga gamit at lumabas siya ng silid. Pagdating sa pintuan ay nag-isang lingon siyang muli sa loob ng silid. Ang kanyang paningin ay natuon sa ibabaw ng malapad na kama. Isang malalim na paghinga ang kanyang ginawa. Kahit anong mangyari ay ibabalik niya sa loob ng silid na ito ang asawa niya.
Nakasuot na siya ng kanyang formal suit. Sinadya niya talaga na magsuot na ng suit patungong
