"Ayos lang ako," mahinang saad ni Millie. At dahil sobrang naiilang siya na nakayakap sa kanya si Joaquin sa harap ng mga empleyado nito ay bahagya siyang umatras upang kumawala sa mga bisig nito.
Hinubad naman ni Joaquin ang suot na coat at isinuot sa kanya nang makita nito na basa ang kanyang dress.
Subalit bigla na lang niyang naramdaman na tila umikot ang kanyang paligid at nanghina ang kanyang mga tuhod kaya pakiwari niya ay mabubuwal siya. Mabuti na lang ay mabilis siyang nahapit ni Joaquin sa kanyang bewang at inalalayan sa pagkakatayo.
Ngunit bigla siyang napatili dahil walang sabi-sabi na binuhat siya nito at lumakad sa hindi niya malamang direksyon. Hindi niya kasi maimulat ang kanyang mga mata dahil umiikot pa rin ang kanyang pakiradam.
Naiwan naman ang mga empleyado sa eve
