HULING ARAW NA NINA Victoria at Roberto sa Palawan. Magkasama ang dalawa sa pamimili sa ng mga pasalubong. Nagtungo pa silang dalawa sa palengke para makapamili ng mga daing. Ikinatuwa nang husto ni Victoria ang pamimili para sa kanyang Mamu at Papu. Ikinatuwa rin niya na halos hindi mapaghiwalay ang kanilang mga kamay ni Roberto.
“Naku, kapag nakita nina Mamu at Papu itong mga pinamili ko para sa kanila, sesermunan ako ng mga iyon. Sasabihin nila, ba’t pa ako bumili. Hindi naman nila kailangan ng mga abubot,” ang nakangiting sabi ni Victoria kay Roberto habang inaayos ang mga pinamili niyang pasalubong sa isang bag.
Napangiti si Roberto sa nakikitang kasiyahan sa mukha ni Victoria. “What are they like?”
“Sina Mamu at Papu?” Tumango si Roberto. Mas lumapad at mas tumamis ang ngiti ni Vi
