KEIRA
HABANG nagkakagulo sa ibaba ng hagdan si Michael at Mildred ay nakatulala lamang ako sa kanila. Gusto kong tumakbo pababa para malaman ang kalagayan ni Mico, pero tila napako na ang aking mga paa.
Dahil sa pinaghalo-halong emosyon, hindi ako makagalaw. Nangingibabaw ang takot sa dibdib ko dahil kahit wala akong kasalanan sa nangyari ay tiyak na hindi na naman ako paniniwalaan ni Michael. Sa akin na naman niya ibabato ang lahat ng sisi.
Tumingala si Michael. Hindi na ako nagulat nang makita ang nanlilisik niyang mga mata habang nakatingin sa akin.
"Simulan mo nang magdasal, Keira! Dahil oras na hindi maganda ang lagay ni Mico, titiyakin kong may kalalagyan ka!" Sigaw niya.
"Huwag na huwag kang magkakamaling tumakas dahil kahit saan ka magtago, hahanapin kita!" Isang nakapangi
