KEIRA
HABANG nakahiga sa malambot na kama, taimtim akong nagdasal na sana'y hindi na bumalik ang kaibigang doktor ni Michael. Hindi puwedeng malaman ng lalaking 'yon na drama lang ang lahat na hindi ako makahinga kanina. At kapag nalaman niya 'yon, tiyak na walang awa niya akong ibabalik sa mainit at masikip na silid na 'yon.
"Lord, alam ko pong masamang magsinungaling at manlako ng kap'wa, pero sana po ay maintindihan Mo ako kung bakit kinailangan ko pong gawin 'yon. Hindi naman po kasi makaturungan na ako ang maparusahan sa kasalanang hindi ko naman po ginawa, hindi ba?" Naisatinig ko habang nakikiramdam sa paligid ko.
Ilang sandali na ang lumipas mula nang iwan ako ng mag-amo, hindi pa sila bumabalik.
Hindi ako nakatiis. Mula sa masarap na pagkakahiga, bumangon ako at lumapit sa
