KEIRA POV
AWTOMATIKONG napasiksik ako sa gilid ng kama nang makita kong gumalaw ang doorknob ng pinto ng kuwartong kinaroroonan ko.
Agad na nilukob ng takot ang dibdib ko. Simula kasi nang masaksihan ko ang pagwawala ni Michael, ang pagpapaputok ng baril at ang pagpasok niya rito na may dalang baril ay natakot na ako. Sa takot kong patayin niya ako nang tuluyan, hindi ko na tinangkang lumabas ng kuwartong ito. At sa tuwing maririnig kong may nagbubukas ng pinto, naiiyak at nanginginig na ako.
Nang makita kong bumukas ang pinto, niyakap ko ang unan at mariing pumikit. Mas lalo akong nagsumiksik sa gilid ng kama nang marinig ko ang mahihinang yabag palapit sa akin.
Hindi ako nagpakadilat-dilat. Ayoko. Natatakot akong makita ang madilim niyang mukha at ang matalim niyang tingin.
"Ke
