اقتربت فريال من ابنتها وجلست على ركبتيها امامها القت منى بنفسها فى حضن والدتها التى راحت تمسح على ظهرها
فريال : وحشتينى يا منى البيت نور يا ضنايا البيت نور يا نوارة البيت والدنيا
منى : انتى كمان وحشتينى يا ماما محتاجه لك اووووى خليني فى حضنك مش عايزه اخرج منه انا تعبت اوووى
وقلبى وجعني
فريال: سلامة قلبك يا قلب ماما انا جنبك و معاكى عمرى ما هسيبك ، لو بأيدى اشيل عنك الوجع ده كنت عملت
كانت دموع عبد الرحمن واولادها تتساقط دون توقف
اما عن سامى كان بالداخل يصارع ضميره او ما تبقى منه هل يخرج ليواسي ابنته ام يتركها هو يكن لها الكثير من البغض منذ بدأت تكبر هى و نغم او بمعنى اوضح منذ تحركت مشاعره تجاه نغم فهى دائما تذكره بكلماتها دون ان تعرف ما يكنه لاخرى ان نغم بعمر ابنته حتى بات يكره ابنته نفسها وهو امر مر عليه الكثير من السنين فأصبح لا يحمل بداخله ذرة من المحبة او العطف تجاهه
ولكن
