Jordan
Isang linggo na lang ang nalalabi para sa pinakahihintay naming araw. Lahat ay nakaayos na para sa engrandeng selebrasyon ng buhay ko.
Nakaupo kami ni Marian sa may sofa habang inaayos ang mga souvenirs para sa mga dadalo ng kasal namin.
Napili namin ang tealight holder para sa souvenir dahil may unique itong design na malakas makasociety (sosyal). Kakadeliver lang ng mga ito kung kaya't inisa isa naming mabuti kung maayos ba ang mga items.
Maya maya pa ay dumating si Mama, buhat nya si Jordane. Nagpapadyak ang anak namin habang karga sya ni Mama. Nasabik yata ang bata dahil masyado kaming abala ng kanyang ina sa pag-aayos ng kasal namin.
Kaagad syang pinuntahan ni Marian upang kunin sya kay Mama. Hala sya! Sobrang hagikgik ng anak namin nang buhatin na sya ng nanay nya.
