"M-Matt?" Nanginginig ang boses ni Lady Abby. Ang kaba sa kaniyang dibdib ay nadagdagan ng takot nang maalala ang ginawa niyang pag-alis sa mansiyon ng mga magulang nito.
"You got it right, Sweetheart!" bulalas ni Mattias dahilan para makuha nila ang atensiyon ng ilan sa mga parokyano ng restaurant. Maging ang ilang staff doon ay napapangiti habang nakatingin sa kanilang mesa.
Agad na tinanggal ni Mattias ang mga palad mula sa pagkakatakip sa mga mata ni Lady Abby. Nangingiti siya habang pinagmamasdan ang maamong mukha ng dalaga. Nang hindi na niya mapigilian ang sarili ay agad siyang yumuko at dinampian ng masuyong halik ang nakaawang na labi ni Abbygail.
"You are so gorgeous, Sweetheart," bulong ni Mattias ngunit dinig na dinig iyon ni Vena na kanina pa kinikilig sa nasasaksihan. "I'
