رواية عشقته في **ت لمروه الشربيني

الفصل الرابع

#الحلقه الرابعه......

بعدما اخذ حمزه المحاضرات التي يريدها من سيف قرر الذهاب إلى بيته نظرا لتأخر الوقت

حمزه:طب استئذن انا يا سيف عشان اتأخرت

سيف:اتاخرت مين يا عم انت هتتغدي معانا... يا ماما حضري الغدا

عزيزه:حاضر يا حبيبي

وبعد أن وضع الطعام على المائدة وجلس سيف وحمزة لتناول الطعام ولكن كانت هناك عيون تراقب حمزه في جميع تصرفاته كانت تنظر إلى ملامحه إلى عينيه التي أسرتها منذ اللحظه الأولى نعم انها شذي التي وقعت في الحب وقطع شرودها تليفون إلى حمزه

حمزه:ايوه يا لوما يا حبيبتي

سلمي:ازيك يا قلبي انت فين

حمزه:الحمد لله كويس.. انا عند سيف باخد منه محاضرات

سلمي:امممم عنده اخوات بنات

حمزه:اها يا ستي ليه

حاولت سلمي أن تداري نبره غيرتها لكنها لم تفلح

سلمي:ها لا مافيش

وكتم حمزه ضحكته الخلابة وقال:مافيش ازاي وانتي غيرانه عليا كده

سلمي:انا بغير وهغير ليه يعني

حمزه؛ انتي اللي في القلب يا لومتي معلشي بقى انا مضطر اقفل دلوقتي

سلمي:ماشي سلام

(شذي والشرر يتطاير من عينها مين لوما دي اكيد اخته؛؛ اخته مين يا هبله باين عليها خطيبته بس ازاي وهو مش في ايده دبله اكيد حبيبته ماشي يا عم حمزه يا انا يا لومتك دي)

عزيزه:بت يا شذي انتي اتهبلتي واقفه بتكلمي نفسك كده ليه

شذي بخضه:مافيش يا ماما

عزيزه:صبرني يا رب الحمد لله إنك رزقتني ابن عاقل

شذي:هههه الحمد لله يا ماما وبعدين يعني لو كان انا وسيف عاقلين مش كنتي هتحسي بملل كده ده انا حتى طيبه. وبعدين بابا دايما بيقولي اني فاكهة البيت

عزيزه:اها فاكهه البيت وماله امشي يا بت روحي ذاكري والا هتبقى ايامك ألوان معايا

شذي:ليه بس يا مامتي هتخليها ألوان خليها بامبي انا بحب البامبي

عزيزه بنبرة غاضبه:غوري يا شذي من وشي وروحي ذاكري لو مجبتيش مجموع حلو هطين عيشتك

شذي:حاضر يا ماما

..........................................

في منزل نور صديقه شذي

ترن ترن ترن

الجد:افتحي يا نور يا بنتي

نور:بغسل الأطباق يا جدو افتح انت يا عمر

عمر:حاضر يا ستي نور

مروه:السلام عليكم نور موجوده

عمر:وعليكم السلام اها موجوده اقولها مين

مروه:قول لها مروه

عمر:ايوه يعني مروه مين

مروه بتأفف:صاحبتها يا استاذ وياريت بسرعه عشان علينا درس

عمر:ثواني بس.... َنور يا نور

نور:ايوه يا ابيه

عمر:كلمي صاحبتك مروه واقفه على الباب

نور:وهو ده كلام مدخلتهاش ليه

عمر:معلشي ياستي نسيت

وقامت نور بالذهاب إلى صديقتها

نور:تعالى يا مروه ادخلي

مروه:انا واقفه اهوو يا نور هاتي الكتب يلا عشان اتاخرنا على الدرس

نور:خلاص جيت يلا ياستي

مروه:مين الواد البارد ده

نور:بارد!!!! ده اخويا عمر

مروه:انتي بتهزري صح ده اخوكي ازاي انا اسمع انه شخص طيب ومتواضع والناس كلها بتمدح فيه ده حتى مش قالي اتفضلي

نور:معلشي يا ميرو هو بس نسي

مروه:بس برضو بارد ده عملي تحقيق وانا واقفه

(بالرغم من أن عمر كان يرتدي زي الشرطه مما زاده وسامه الا ان مروه لم تعترف بذلك)

نور:معلشي يا بنتي ماهو في كليه الشرطه ودي آخر سنه ليه فبيتدرب عليكي ويحقق

مروه:خفه يا بت قال يحقق معايا قال ويتدرب عليا انا مالي اصلا امال لو خلص الكليه هيعمل فيا ايه

نور:هيسجنك هههههه

مروه بحزن مصتنع:واهون عليكي يا جزمه مكانش عيش وملح ده اللي اكلناه مع بعض

نور:لا متهنيش عليا ويلا بقى بطلي رغي عشان وصلنا

نور. ومروه:السلام عليكم

مستر جهاد:وعليكم السلام ورحمة

وجلست الفتيات ليسمعن الدرس بإنصات واهتمام ولكن ليس كل الفتيات هكذا فمنهم من يسرح بخياله ولا يستفيد بشئ ومنهم من يشعر بالنوم ومنهم من يتأفف حتى تنتهي الحصه ومنهم من يجمع الكثير من المعلومات

َ وبعد الانتهاء من الشرح

مروه:مستر انا مش فاهمه احنا بنستفاد من القصه دي ايه

مستر جهاد:إنتوا بتستفادوا كلمات.. لغه..

هنا:مستر المناهج بقت معقده اووي وكل شويه يغيروا فيها ومش بنستفاد

مستر جهاد:يعني هنعمل ايه

نور:المناهج رخمه والتعليم فاشل وطلبه افشل واحنا بكده مش هنتقدم خطوه لقدام

مستر جهاد :المفروض إن المناهج تكون سهله وبسيطه وتستفادوا منها مش تحفظوا مناهج وتروحوا تحطوها في ورقة الاجابه في الامتحان وبكده المحصله صفر في الاخر

هنا:ياريت والله يا مستر

نور:ربنا يستر ويعدي السنادي على خير

مروه:يا رب يلا يانوري عشان نمشي

نور:يلا صحيح هي البت شذي مجاتش الدرس ليه

مروه:مش عارفه استنى اما ارن عليها

نور:تمام

مروه:الو السلام عليكم

شذي:وعليكم السلام ورحمة الله وبركاته ازيك يا مروه وحشتني

مروه:وحشتك مين يا فاشله هانم مجتيش الدرس ليه

شذي:اها مين فين لا اقصد مافيش يعني

مروه:مالك أبت ايه اللغبطه اللي انتي فيها دي

شذي:لا عادي يا بنتي

مروه:ماشي يا جزمه بتخبي عني على العموم ماشي المهم انك كويسه

شذي:الحمد لله

نور:ايه البت دي مالها

مروه:مش عارفه بس باين كده في حاجه متقلقيش هي هتيجي تحكي كل حاجه بالتفصيل

نور:على رأيك هو احنا بنخبي حاجه عن بعض

......................... َ. َ.............

في مكان آخر بالتحديد في كليه الهندسه كان يجلس الأصدقاء مع بعضهم

سيف:المهم يا شباب انتوا معزومين على الخطوبه

محمود:ربنا يفرح قلبك يا سيف

حمزه :اوعدني يا رب انا وسلمى حبيبتي

محمود:حمزه هو انت لسه بتكلم سلمي

حمزه:اها يا حوده ليه

محمود:ربنا يهد*ك يا صاحبي بص انت لو بتحبها بجد يبقى ماتكلمهاش خالص وتروح تتقدم ليها

حمزه:ما هو انا هروح أتقدم ليها بس المشكلة اني لسه بدرس وما عنديش وظيفه

محمود:ده مش مبرر على فكره؛؛ روح واتكلم مع والدها وفهمه ظروفك وصدقني لو هي من نصيبك هتكون بس بلاش الكلام اللي بتقولوه لأنه حرام

حمزه :الحب عمره ما كان حرام

محمود:صح بس اللي بيحصل انهارده باسم الحب هو اللي حرام يعني انت ترضى اختك تكلم شاب من ورا أهلها

حمزه بإنفعال:لا طبعا ده انا كنت قتلتها

محمود:شوفت بقى يبقى اللي مترضهوش لاختك مترضهوش لبنات الناس وافتكر دايما ان كما تدين تدان

حمزه:هحاول اعمل كده بس ما اوعدكش وربنا يهديني

محمود:يا رب.. يالا بقى نحضر المحاضره التانيه مش كفايه ضيعنا واحده

حسام:روح انت انا مش هحضر انهارده

حمزه:وانا كمان مش هحضر

محمود:وانت يا سيف شكلك كده مش هتحضر

سيف:بالظبط كده وبعدين دي مش محاضره مهمه يا حوده

محمود:ماشي انا هروح احضر سلام

(سرح سيف في محبوبته الغاليه التي لا يعلم كيف احبها)

#فلاش باك

سيف:ها يا بابا اتصلت على والد مريم

محمد:ايوه يا حبيبي وإن شاء الله هنروح لهم يوم الجمعه

سيف بفرحه:يا رب توافق

محمد:بإذن الله خير يا ابني

ومرت الايام سريعا الا ان جاء اليوم المنتظر يوم الجمعة

ذهب سيف مع والده ووالدته إلى منزل مريم

محمد:ازيك ياحاج أحمد

أحمد والد مريم:الحمد لله يا ابو سيف

محمد:بصراحه كده ومن غير مقدمات احنا جايين انهارده عشان......

ليقطع حديثه سيف ابنه

سيف:تسمحلي يا بابا اكمل

محمد بإعجاب بابنه فلقد علم في تلك اللحظة بأن ابنه صار شاب يعتمد عليه

سيف:بصراحه يا عمي انا طالب ايد الانسه مريم بنت حضرتك

احمد:ايوا يا ابني وانت تعرفها منين

سيف:انا زميلها في الكليه وبصراحه معجب بأخلاقها جدا جدا وانا بتمنى من ربنا انها تكون زوجه ليا

احمد:اللي فيه الخير يقدمه ربنا

محمد:ممكن تنادي للعروسه عشان نشوفها

احمد:قومي يا ام مريم هاتيها من جوا

والده مريم:حاضر يا حاج

ودخلت والده مريم إليها

والده مريم :ايه يا بنتي ده محطتيش شويه مكياج ليه

مريم؛ :وانا احط مكياج ليه يا أمي هو ميبقاش زوجي عشان اتزين ليه

والده مريم:وايه المشكله يا بنتي

مريم :ماما معلشي اعفيني مش هقدر احط حاجه وبعدين انا حلوه من غير حاجه ولا ايه يا مامتي

والده مريم:طبعا يا حبيبتي ربنا يفرح قلبك....... يلا تعالي عشان تشوفي العريس

وذهبت مريم لترى الفارس المنتظر وهي تضع رأسها أرضا وألقت التحيه عليهم وجلست بجوار والده سيف

عزيزه:بسم الله ماشاء الله عليكي يا حبيبتي يا زين ما اختارت يا سيف

والد مريم:طب احنا هنسيبكم شويه يا ولاد تتكلموا

وذهب الجميع وظلوا على مقربة منهم

سيف:ازيك يا مريم

مريم وهي تفرك يديها من الخجل:الحمد لله

سيف:احم مش عايزه تشوفيني ارفعي راسك

رفعت مريم رأسها وعندما رأته تسارعت دقات قلبها وتذكرت بأنه ذلك الشاب الذي اصطدمت به

سيف.. ليزيل عنها الحرج:لو حابه تسألي اي اسئله اتفضلي

مريم:حضرتك بتصلي الفجر

سيف:الحمد لله بصليه كل يوم في الجامع

مريم:علاقتك ايه بوالديك

سيف:الحمد لله بحاول ابرهم على اقد ما اقدر

مريم:طب انا عايزه البس النقاب ووالدي مش موافق حضرتك هتوافق بكده

سيف:طبعا عشان محدش يشوفك غيري

مريم:حضرتك ليه اتقدمت ليا مع إن فيه بنات كتيير احلى مني

سيف:ممكن اجاوبك على السؤال ده بس مش دلوقتي بعد كتب الكتاب

مريم:لو حضرتك حابب تسأل اتفضل

احمد:نفسك فرحك يكون ازاي

مريم:نفسي فرحي يكون منفصل النساء لوحدهم والشباب لوحدهم عشان ماحدش يشوفني غير زوجي

احمد:ايه هي مواصفات فتى احلامك

مريم:نفسي يكون شخص كويس بيصلي بيبر والديه يتقي ربنا فيا يعاملني بالحسنى وياخد بأيدي معاه للجنه عشان زي ما اتجمعنا في الدنيا ربنا يجمعنا مع بعض في الاخره

سيف:ربنا يرزقك بيه ويا رب اكون انا الشخص ده

سيف:حابه تسألي حاجه تانيه

مريم :لأ

سيف:اتمنى انك تكوني رفيقتي إلى الفردوس وحتى لو محصلش نصيب هفضل ادعي ربي انه يجمعني بيكي في الاخره

مريم:بإذن الله خير

وقامت مريم وذهبت إلى غرفتها

والد مريم:فرصه سعيده يا حاج محمد

والد سيف:انا الأسعد واتمنى اننا نكون أقارب

والد مريم:بإذن الله يا حاج يومين وهنرد عليكم

والد سيف:ماشي يا حاج طب نستئذن احنا بقي

والد مريم:شرفتونا ونورتونا مع الف سلامه

والد سيف؛ :الله يسلمك

وفاق سيف من شروده على صوت معا**ه حمزه إلى إحدى الفتيات

حسام:والله نفسي اعرف يا حمزه البنات دوول بيعجبوا بيك على ايه

حمزه:ههههههه مش عارف ايه رايك نعمل ورق ونكتب عليه ما هو سر إعجاب البنات بحمزه الحديدي

حسام:أها عشان سلمي تجري وراك

ووجد حمزه إحدى الفتيات تتجه نحوه

حسام:والعه معاك يا عم الله يسهل له

حمزه:بطل قر يلا

حسام:انا مش بقر انا بحسد بس

البنت:باشمهندس حمزه لو سمحت

حمزه:افندم

البنت :كنت عايزه حضرتك في موضوع بخصوص سلمي

حمزه بقلق:سلمي سلمي مالها

البنت:اصل سلمي

.......................................

في مكان آخر في كليه الشرطه

عمر:صباح الخير يا رجاله

حازم:صباح النور يا صاحبي

يوسف:وعليكم السلام (يا ابني ميت مره اقول لك في حاجه اسمها تحيه الإسلام)

عمر:معلشي يا جوو اصل بنسي

يوسف:ولا يهمك يا حبيبي المهم تاخد بالك بعد كده

حازم:يلا بقى المحاضرة هتبدا

عمر. ويوسف:يلا يا باشا

ودخل د/عبدالرحمن ليشرح لهم المحاضره والكل منتبه الا ان رن هاتف أحدهم

د/عبدالرحمن:مين اللي تليفونه رن

محمد:انا يا دكتور آسف نسيت اعمله صامت

د/عبدالرحمن :ماشي يا محمد اتفضل اقعد ويا ريت الكل بعد كده يقفلوا تليفوناتهم في محضاراتي

د/عبدالرحمن :رجل في الأربعين من عمره طبعه هادي يحب مهنه التدريس منذ صغره يشرح للطلاب بكل إخلاص واهتمام ولا يبخل عليهم بشئ؛؛ فهو شخص متواضع ولا يجرح احد ولا يسئ إلى أي شخص مهما كان

وبعد انتهاء المحاضره ذهب د/عبدالرحمن إلى مكتبه وإذا بالباب يطرق

محمد:ممكن ادخل يا دكتور

د/عبدالرحمن :تعالى يا محمد يا ابني في حاجه واقفه عليك ولا ايه

محمد:بصراحه يا دكتور انا جاي اعتذر منك

د/عبدالرحمن :مافيش حاجه يا ابني انت بس عارف اني مش بحب حد يقطع شرحي المهم لو في حاجه واقفه عليك تعالى وقولي واوعي تتحرج

محمد:الحمد لله يا دكتور مافيش حاجه بتقف عليا ماشاء الله على شرح حضرتك مبسط وسهل

د/عبدالرحمن:ربنا يحفظك يا ابني

محمد :يا رب يا دكتور يلا سلام عليكم

د/عبدالرحمن :وعليكم السلام

حازم:ها عملت ايه يا ميدو

محمد:الحمد لله اصلا دكتور عبدالرحمن شخص كويس جدا لو دكتور غيره كان زمانه طردني

حازم:طب الحمد لله