الفصل الخامس

1520 Words

الحلقه الخامسه من روايه عشقته في **ت بقلمي مروه محمد ?اتمنى تقولوا رايكم سواء بالمدح أو النقد وبلاش تم دي الله يرضى عنكم ...................................... في الصباح الباكر استيقظت شذي على غير العادة وذهبت إلى مدرستها شذي:صباح الخير عليكم مروه:صباح النور نور:وعليكم السلام ورحمة الله وبركاته مروه:تعالى هنا بقى يا هانم مالك كده بقالك فتره متغيره في ايه قرى واعترفي نور:ايوا يلا انطقي مالك شذي:مالي ما انا كويسه اهووو مروه:انجزي يا شذي فيه ايه وحالك متغير ليه ياما تكوني بتحبي من ورانا شذي بذله ل**ن:وانتي عرفتي منين نور:اهو الجميل وقع بل**نه.. يلا قولي بقى مين حد نعرفه ولا عرفتيه ازاي ولا شوفتيه فين اصلا شذي:ايه يابنتي اهدي هو بصراحه كده صاحب اخويا سيف مروه:ها والموضوع ده حصل ازاي شذي:من على الباب نور:نعم باب طب ازاي فهميني شذي:ابدا ياستي هو كان جاي لسيف وحظي الحلو اني انا اللي فتحت مروه:طب شكله عامل ازاي شذي:عيونه عسلي وشعره لونه بني ومش طويل اووي يعني وأمور وكيوت في نفسه ولا ضحكته يخربيت ضحكته فزيعه نور:هييح وايه كمان شذي:هتصدقوا لو قلت لكم اني حبيته من النظره الأولى بس للأسف شكله بيحب واحده زميلته مروه:وانتي عرفتي منين بقي شذي:كان بيكلمها وهو عندنا ياختي.. عيال ساعدوني اعمل ايه دلوقتي انا بحبه نور:ده مش حب يا شذي ده مجرد إعجاب مش اكتر هيروح مع الوقت شذي:ماعتقدش انه مجرد إعجاب مروه:ربنا يهد*كي يا شذي انتي ازاي تفكري في واحد مرتبط اصلا شذي بتأفف:ما قولنا مش مرتبط هو بيحب واحده زميلته مش اكتر نور:طب افرضي انه كان متكلم عليها والخطوبه بعد التخرج فوقي ياختي حب مين والناس نايمين ركزي في مستقبلك هو اللي هينفعك شذي:ماشي يا ست الناصحه نور بحزن:الله يسامحك يا شذي انا ماشيه مروه:نور يا نور استنى نور:عايزه ايه يا مروه مروه:متزعليش بالله عليكي يا شيخه انتي عارفه إن شذي طيبه نور:انا مش زعلانه منها انا زعلانه عليها ربنا يهديها يا ستي روحي يا مروه خليكي معاها وانا هكون كويسه متقلقيش مروه :ماشي خلي بالك من نفسك وانا هبقي اكلمك بليل اطمن عليكي نور:بإذن الله يا حبيبتي مع السلامه وذهبت مروه مره اخرى الى شذي مروه بلوم :يعني ينفع كده يا شذي تكلمي نور كده وعشان مين عشان واحد متعرفيهوش اصلا الحق عليها يعني عشان بتنصحك شذي :مروه خلاص انا قررت انا هعمل ايه مروه:هتعملي ايه انطقي شذي:هكلمه فيس مروه:يا نهارك اسود هتكلمي مين ياما وازاي تقبلي على نفسك كده اصلا شذي:مروه انا مش باخد رايك انا خلاص قررت مروه:انتي اتهبلتي صح قولي انك اتهبلتي فوقي يا شذي انتي عمرك ما كنتي كده حافظي على قلبك للشخص اللي يستهل لك تعرفي انتي ممكن تكلميه بس في الاخر مش هيكون ليكي لأن ببساطه نصيبك مكتوب ليكي من يوم ما اتولدتي.وكمان صاحب اخوكي شكله بيحب زميلته يبقى ازاي هي**نها ويكلم بنت تانيه شذي:ما اعرفش بقى المهم اني هكلمه مروه:براحتك يا صحبتي بس ما ترجعيش تندمي في الاخر على اللي هتعمليه وسيف اخوكي لو عرف هيطين عيشتك وممكن اخوكي يخسر صاحبه بسبب حضرتك شذي:خلصتي محضرتك انا ماشيه سلام مروه بحزن على صديقتها:ربنا يهد*كي بس لو احتاجتي حاجه انا ونور هنفضل صحابك مهما حصل سلام ........................................ في مكان آخر بالتحديد في كليه الشرطه عمر:السلام عليكم ورحمة الله وبركاته يوسف :وعليكم السلام ورحمة الله وبركاته (شوف لما بتقول تحيه الإسلام بتاخد حسنات اد ايه الحمد لله انك افتكرت يا رب تفتكر دايما) عمر:يا رب يا جوو حازم :اخبارك ياسطا عمر:الحمد لله كويس (عمر وحازم صديقان منذ الطفولة قرروا يدخلوا كليه الشرطه مع بعض عمر بطبعه هادي ومتواضع وحازم من الشخصيات الكويسة جدا اللي عمر قا**ها في حياته... حازم كان بيدافع عن عمر دايما وكان بيشجعه على فعل الخير وكان بيقوي ثقه عمر بنفسه وازاي يعتمد على نفسه حازم عمره ما جرح صاحبه ولا حسسوا بفضله عليه الاتنين اكتر من الأخوات حازم:قولي يا عمري أخبارك العاطفيه ايه عمر:ياعم ما بلاش الدلع ده مبحبوش حازم:ليه يا ابني انت كنت بتحبه وانت صغير عمر بمشا**ه:وانا ياعم كبرت وبقيت راجل حازم:مهما كبرت عمرك ما هتكبر على صاحبك عمر:انت اخويا يا حازم قبل ما تكون صاحبي انا عمري ما انسى واقفتك جمبي يوم موت ابويا وامي اليوم ده كان أصعب يوم في حياتي يومها بس عرفت إن ليا اخ وسند ربنا ما يحرمني منك يا حبيبي حازم:يا رب يا عمري خلاص بقى يا عم ما تقلبش علينا المواجع برضو ماقلتش ليا ايه اخبارك العاطفيه مفيش واحده كده ولا كده عمر:لا يا عم وبعدين انا مش فاضي لجو الحب والمحن ده حازم:بكره تقع يا صاحبي في واحده تجننك عمر:ههههه ومين دي اللي تجنني إن شاء الله دي امها هتكون داعيه عليها خميس وجمعه حازم:لا يا راجل ما تقول كل ايام الاسبوع احسن عمر:إن جيت للحق نفسي جدي يفرح بيا وافرح باختي نور بس لسه قدامها المشوار طويل حازم:يا عم نور اختك ما شاء الله عليها زمانها بقت عروسه اي نعم أنا مشوفتهاش من زمان بس زمانها كبرت وبعدين يا عم مشوارها مش كبير ولا حاجه دي شكلها هتتجوز قبلك وتخلف وانت خليك معانس جمب جدك عمر:يعني اعمل ايه الحب مابيطلبش الحب بيتحس الحب بيجي على فجأه الحب اهتمام الحب فعل وليس قول حازم:الله الله مين بيتكلم عمر باشا اللي ميعرفش حاجه ده انا على كده اتعلم منك وبتقولي اعمل ايه ده انا اللي هسألك بعد كده اعمل ايه طب ايه هي مواصفات فتاه أحلامك عمر:بنت تكون محترمه بتمشي في حالها ملهاش دعوه بحد من الاخر بتحافظ على قلبها ونفسها لنصيبها حازم:ربنا يرزقك بالزوجه الصالحه يا صاحبي والذرية الصالحه عمر:اللهم آمين وانتي مافيش بنت كده حازم:احم بصراحه فيه نور اختك عمر:نور مين انت اكيد بتهزر حازم:اها بهزر يا عم يعني ما اهزرش نور دي اختي عمر:اها بحسب حازم لنفسه بس بحبها اووي وهي اختي بس في الإسلام وبإذن الله هتكون نصيبي عمر:ايه يا برنس روحت فين حازم:انا معاك اهو يا عم يلا نحضر المحاضره عمر:يلا يا كبير ......................................... بعدما تحدثت تلك الفتاه إلى حمزه انقلب حاله تماما حمزه. لنفسه معقول يا سلمى تكوني بتخدعيني بس ازاي صاحبتها هتيجي تقولي كلام محصلش انا لازم اتأكد بنفسي ويا رب صاحبتها تطلع بتكدب ومرت الايام على حمزه ثقيله للغايه فكان عقله مشغول بمحبوبته سلمي ظل يتصل بها في اليوم أكثر من مائه مره ولكن ما من مجيب أصبح الشك يراوده هل ما قالته صحيح أيعقل أن تكون سلمي بهذه الحقاره وتتركه فلاش باك البنت :استاذ حمزه ممكن اتكلم معاك في موضوع بخصوص سلمي حمزه بقلق:سلمي..... سلمي مالها البنت:في البدايه احب اعرفك بنفسي انا ندى صاحبه سلمي الانتيم وبصراحه كده ومن غير لف ودوران انت صعبان عليا انا عارفه اد ايه انت بتحب سلمي ومخلص ليها بس للأسف هي مقدرتش الحب ومتقدم ليها بن خالتها غني ومتعلم وجاهز ياخد العروسه من غير حاجه وهي موافقه على كده ومفكرتش فيك حمزه بصدمه:نعم اكيد انتي كدابه سلمي بتحبني لا يمكن تعمل كده ندي:طب انا اقدر اساعدك في ايه حمزه وهو يحاول أن يبدو متماسك:اثبتي ده ليا دلوقتي اتصلي عليها قدامي وافتحي الاسبيكر ندي:حاضر..... وقامت ندى بالاتصال على سلمي سلمي. بفرحه:ازيك يا ندوش عامله ايه ندي:الحمد لله قوليلي خطوبتك أمته سلمي:يوم الخميس الجاي وتعملي حسابك تيجي من بدري ندي:طب وحمزة يا سلمى مش هتقولي له سلمي:حمزه خلاص يا ندى كان مرحله وراحت لحالها احنا بنتكلم بقالنا 4سنين وهو متقدمش خطوه واحده لقدام ندي:ما هو كان عايز يجي يتقدم بس انتي موافقتيش انه يجي غير بعد التخرج سلمي:بصراحه بقى يا ندى انا وهاني ابن خالتي بنحب بعض من زمان وتقدري تقولي كده اني كنت واخده حمزه كوبري ما انكرش اني حبيته شويه لأنه هو الشخص الوحيد اللي كان بيخفف عني بس دلوقتي خلاص ندي:طب هتقولي لحمزه ازاي سلمي:ما تقلقيش هقوله كل شئ اسمه ونصيب ندي:ماشي مع السلامه كل ذلك وحمزة يستمع هل هذه حقا الفتاه التي أحبها قلبه هل يعقل أن تبيعه بتلك السهوله ندى بأسف:ها صدقت حمزه :شكرا يا انسه ندى بس ايه مصلحتك انك تيجي تقوليلي ندي:زي ما قولت لحضرتك انك صعبان عليا وانك هتفضل مخدوع في بنت مبتحبكش اصلا حمزه:ماشي شكرا عوده للواقع حمزه.. ياه اد ايه فعلا انا كنت مغفل ومرت الايام على حمزه ببطئ شديد كان لا يذهب إلى الجامعه ولا يتحدث إلى أحد كان يجلس في غرفته شارد الذهن في ذكرياته الاليمه إلى أن رن هاتفه برقم لطالما رن عليه كثيرا ولم يجب احد سلمي:الو ازيك يا حمزه حمزه:الحمد لله يا حب(ولكنه تراجع عن قول تلك الكلمه حبيبتي فإنها لم تعد تستحقها علم حمزه في هذا الوقت بأن كلام صديقه محمود كان صحيحا) سلمي:انا مش كويسه خالص حمزه:ليه مالك وليه صوتك باين عليه العياط سلمي:بصراحه كده اما متقدم ليا عريس وهو كويس وأهلي موافقين وانا مش عارفه اعمل ايه حمزه:نعم انتي مش عارفه اني بحبك ومفروض نتخطب في آخر السنه سلمي:انا عارفه بس انا عليا ضغط جامد من اهلي وبصراحه انا شايفه انه عريس كويس وهوافق عليه انا صبرت عليك كتيير شوف بقالنا كام سنه بنتكلم ومافيش اي خطوه لقدام حمزه:والله يا ست سلمي انا اصلا اللي غلطان اني حبيت واحده زيك متستهلش حبي سلمي:اووف بقى سلام وياريت معتش تتصل بيا تاني حمزه:هقولك حاجه اخيره؛؛ خلي بالك من نفسك ويا رب تكوني سعيدة مع الشخص اللي فضلتيه عليا سلمي:وانت كمان مع السلامه تظاهر حمزه بعدم معرفته للأمر تماما بالرغم انه سمع حديثها إلى صديقتها إلى أنه كان هناك شعاع من الأمل بداخله بأن كل ذلك وهم وان سلمي تحبه هو ولم تفضل شخص آخر غيره (سلمي كانت ممكن تستنى حمزه طوول العمر لو كانت بتحبه بجد بس للأسف حمزه حبها بجد وفي الاخر قلبه انجرح) يا ترى ايه اللي هيحصل مع حمزه وازاي هيقدر يعدي المرحله دي ويا ترى مين هتكون الضحيه أو هيكون فيه شخص يغير حياته للأحسن وتبقى أفضل من الاول؟؟ يا ترى فعلا شذي هتكلم حمزه ويا ترى هتكلمه ازاي؟؟ يا ترى أصحاب شذي هيتخلوا عنها ولا هيقفوا جانبها؟ #توقعاتكم

Free reading for new users

Scan code to download app

App Store Google Play

Facebookexpand_more