Mainit ang mga ilaw ng chandelier sa Manila Peninsula ballroom habang unti-unting napupuno ang lugar ng mga kilalang arkitekto, developer, corporate at hotel moguls. Parang mga bituin ang mga kristal na kumikislap sa kisame, at bawat hakbang ni Celine ay parang bumibigat—hindi sa kaba sa event, kundi sa kaba na si Lance ang kasama niya.
Hawak-hawak niya ang maliit na clutch habang tinapik ni Lance ang likod ng kamay niya.
“Relax,” bulong niya, malapit sa tenga niya, mababa at nakaka-kiliti. “You’re glowing already. They’ll love you.”
Hindi niya maiwasang mapangiti kahit pinipigil niya. “Baka ikaw lang ‘yan,” sagot niya, pero ramdam niya ang init na gumapang sa kanyang pisngi.
Pagpasok pa lang nila sa grand hall, ilang heads na ang napalingon. Hindi lang dahil kilala si Lance bilang CEO
