(Lance’s POV)
Pagkatapos ng mahabang araw at ng nakakapanatag na lakad namin ni Celine kasama si Prof. Baradi, naisip kong i-extend pa ang gabi. Hindi ko rin alam kung anong sumapi sa akin—siguro gusto ko lang masulit ‘yong mga sandaling wala kaming deadline, board meeting, o Clara drama. Kaya nang madaanan namin ang BGC Night Market, biglang napatingin ako sa mga ilaw ng mga food stall at sa mga nakahilera ng tusok-tusok.
“Gutom ka pa ba?” tanong ko habang may mga batang tumatakbo sa tabi at mga barkadang nagtatawanan sa paligid.
“Konti,” sagot niya, nag-aalangan. “Pero hindi ka sanay sa ganito, diba? Baka maselan ka.”
Umirap ako nang kaunti pero nagkunwaring offended. “Excuse me, kaya kong makipagsabayan sa tusok-tusok.”
“Sure ka, Mr. CEO?” nakataas ang kilay niya, halatang nang-aa
