Madaling-araw na. Tahimik ang buong Navarro Mansion, pero gising na gising ang diwa ni Alyssa habang nakaupo sa gilid ng kama. Namumugto ang mga mata, walang bahid ng makeup - tinanggal na niya lahat ng palamuti na minsang ginamit para magmukha siyang karapat-dapat sa apelyido ng pamilya Navarro.
Nasa paanan niya si Sera, tahimik na nag-aayos ng maleta. Wala silang imikan - sapat na ang bigat ng hangin para maintindihan nila ang isa't isa.
Tumayo si Alyssa. Kinuha niya ang wedding ring sa daliri, tinitigan sandali. Ang singsing na inaakala niyang magbibigay ng pagmamahal, respeto, at pamilya - sa huli, isa lang palang tali para sa isang kasinungalingan.
Maingat niyang inilapag iyon sa ibabaw ng bedside table. Walang kahit anong salita. Hindi na kailangan.
"Handa ka na?" tanong ni Sera,
