“ALAM MO, hindi kayo magkaka-ayos kung nagmumukmok ka rito imbes na puntahan siya. Lumuhod at magmakaawa ka kung kinakailangan. Kahit ano basta mapatawad ka niya at tanggapin ka niya uli.”
Frustrated na napaungol si Benedict. Sumasakit ang ulo niya sa tuwing nagsasalita si Keith. Sa tingin niya gusto nito ang nangyayari sa kaniya. Kasi habang nagsasalita nakatutok ang tingin nito sa screen ng laptop sa kandungan nito at walang humpay sa pagtipa ang mga daliri nito. He must be writing something inspired by his situation. Wala siyang energy sawayin ito.
Walang ibang laman ang isip niya sa nakaraang mga araw kung hindi si Lyn. Kung ayos ba ito. Kung kumakain ba ito ng maayos. Kung umiiyak pa ba ito. Kung galit pa rin ba ito sa kaniya. Kung mapap
