LUPAYPAY na at tila wala nang lakas iyong babae nang tigilan nila ito. Mabilis na nagbihis si Winston at sina Jeric. Nang matapos na sa pagbibihis si Winston ay iyong babae naman ang binihisan niya.
“Oh, bakit mo binibihisan pa iyan?” tanong sa kanya ni Vinz.
“Ha?” aniya.
Inakbayan siya bigla ni Vinz. “Winston, patunayan mo sa amin na hindi ka bakla, okey? Ang gusto namin, patayin mo na iyang babaeng iyan at itapon sa malayo. Sasabit tayo kapag binuhay pa natin iyan. Naiintindihan mo ba?”
Tigalgal si Winston sa sinabi ni Vinz. “P-pero---“
“Patayin mo na iyan, Winston. O baka gusto mong maghimas tayo ng malamig na rehas na bakal?” ani Jeric.
Tinapik-tapik muna ni Vinz ang balikat niya bago siya iniwan ng mga ito.
Tiningnan ni Winston ang walang malay na babae. Ayaw niyang makulong. N
