Hindi ako naligo. Hawak-hawak ko lang ngayon ang phone ni Gregory. Ang sabi niya ay may camera raw siyang dala pero nasa kotse. Nakalimutan niya rawng ilabas. Malayo pa naman ang lalakarin kapag kukunin mo ‘yon.
Nakatuon lang ang camera sa kanila habang masayang naliligo. Pareho silang may life jacket at kitang-kita ko ang saya sa mata ng anak ko. Napangiti ako at naisipan na kuhanan sila ng video.
Nakaupo lang ako habang ang paa ko ay nasa tubig. Maganda nga ang lugar at parang gusto mo na lang tumira malapit dito. Malakas ang agos ng tubig at sobrang linaw ng tubig.
“Mommy, why don’t you swim?” si Grazer at sinabuyan ako ng tubig.
Agad akong tumayo at lumayo. “Grazer, hindi nakakatuwa.”
Ngumuso siya at niyakap si Gregory na ngayon ay nakatingala na sa ‘kin.
“Why don’t you just
