LALAINE FRANCISCO LEVISTE
Kinabukasan ay maaga akong umalis ng bahay. Ayoko kasing makita ako ni Neil at ayoko rin na makita siya. Lalayo na ako sa kaniya kaya mabuti na rin na umiiwas ako.
Nagpakawala ako ng malalim na paghinga bago nagpatuloy sa paglalakad papasok
ng university.
"Lalie!"
Napatigil agad ako sa paglalakad nang may tumawag sa pangalan ko. Nang lingunin ko kung sino ang tumawag ay nakita kong si Achi iyon na naglalakad palapit sa akin. Ngumiti ako at hinintay siyang makalapit sa akin.
"Oh, Achi bakit?" tanong ko.
"May gagawin ka ba o pupuntahan mamaya after class?" tanong niya. Napakunot ang noo ko pero umiling din naman ako bilang sagot.
"Nice! pwede ka bang pumunta mamayang six or seven pm sa Plaza?" nakangiting tanong niya.
"Ha? Bakit naman?" naguguluhan kon
