"Mahal, mauna na kayo sa loob, i-me-meet ko lang si George sa mall. Babalik din ako agad. Nag-message, eh. Pakisabi kina mommy at daddy, babalik ako. Minsan lang mag-aya si George, pagbibigyan ko muna," wika ni Alex sa asawa matapos ma-i-park ang sasakyan sa tapat ng gate sa mansion ng mga Serrano.
Tumawag ang magulang ng asawa niya na si Melody at gusto raw ng mga ito makita at makipaglaro sa apo nila. Hindi naman siya tutol roon. Natutuwa si Alex dahil kahit hindi ito galing sa asawa niya ay tanggap ng mga ito ang bata. Sapat na sa kanya iyon.
Pero sa ngayon, gusto niya munang makasama ang totoong ina ng kanyang anak. Si Jane. First date nila ito kung tutuusin. At ayaw niyang palagpasin iyon. Bihira lumabas ang kanyang kasintahan at mas gusto niya iyon. Ayaw niyang nakikita ito ng ku
