Mabilis lumipas ang araw at buwan, medyo may kalakihan na ang tiyan ng dalaga.
Limang buwan na ito ngayon at masasabi niyang nalagpasan ang unang pagsubok niya sa pagbubuntis.
Nasa hardin ang dalaga at tahimik na nagmamasid sa kapaligiran. Nakangiti siya habang hinahaplos ang kanyang medyo may kalakihan nang tiyan. Masaya siya dahil napapagmasdan niya na ang paligid na malinaw at maaliwalas sa kanyang mga mata.
"Sana, Baby, paglaki mo makapaglaro rin tayo rito sa hardin na ito. Napakaganda nang mga bulaklak. Alam mo bang alaga ko 'yan simula nang makakita ako? Itinanim ko ang mga iyan baby, para naman may maganda tayong tanawin na makikita habang magkasama pa tayo. Kukuwento ko na lamang sa iyo ang mga narito sa hardin, ah, anak? Para kapag lumabas ka na sa sinapupunan ko at lumaki,
