Taming the Pureblood Vampire

Chapter 60

Charles’s point of view

Nang sagutin ni Lucas ang tanong nina Luna sa kaniya ay nagulat ako nang hindi niya sabihin ang totoo doon kaya’t siniko ko siya agad ngunit sinamaan niya ako ng tingin kaya’t wala akong nagawa sa kaniyang sinabi sa kanila.

Nang matapos na kaming kumain ni Lucas at tumungo kami sa kusina ay bigla ko siyang kinausap.

“Oh? Lucas, ano yung kanina? Bakit hindi mo sinagot kayna Luna yung totoo about doon sa nag-padala ng pag-kain sa kanila. Akala ko ba wala kang pake sa kaniya o sa nag-kakagusto sa kaniya?” tanong ko kaagad sa kaniya.

Napatingin naman siya sa akin at sinamaan ako ng tingin, “Wag nga dito Charles, baka marinig ka nina Jessica at Luna kahit si Jeremy, baka kung ano pang isipin sa akin,” tugon naman niya sa akin.

“Ang hirap sayo eh, salita ka ng salita ng hindi tapos pag-katapos kapag kaharap mo na sila, doon hindi ka makapag-sabi sa kanila ng totoo. Bahala ka na diyan,” saad ko naman sa kaniya at agad ko naman na siyang iniwan sa kusina.

Nag-tungo akong muli kayna Luna, Jessica at Jeremy na mga nanonood ng TV. Nang bigla akong tinanong ni Jessica,

“Ikaw Charles? Hindi mo ba kilala kung sino ang nag-padala?” tanong naman niya sa akin.

Paupo palamang ako nang bigla niyang itinanong sa akin yun, at gulat naman ako nang biglang sumagot si Lucas. “Nako Jess! Wag mong tanungin si Charles dahil hindi rin niya alam kung sino ang nasa likod ng pag-kain niyo, tinanong ko rin siya kanina,”

Bigla akong tumingin sa kaniya at sinamaan ko siya ng tingin dahil sa ginawa niya. “Ah—oo, tama si Lucas, hindi ko alam kung sino ang nag-padala niyan. Hayaan niyo kapag nalaman ko, sasabihin ko kagaad sa inyo,” tugon ko  din naman kayna Jessica.

“Alam mo sayang no, kung alam ko lang talaga kung sino yun sana nakapag-pasalamat man lang ako. Kasi tingnan mo naman yung mga binili niya sa atin, hindi basta-basta yun, hindi ba Jess?” saad naman bigla ni Luna.

“Oo nga, parang mamahalin yung mga pag-kain. Baka hindi ako makabili noon kung ako lang mag-isa dito,” tugon naman ni Jessica.

At dahil sa mga sinabi nina Luna at Jessica, naisipan kong mag-salita ng posibleng ikainis lalo ni Lucas.

“Ay oo nga no, siguro secret admirer mo yun Luna!” pahayag ko naman sa kaniya.

At nang tingnan ko si Lucas ay tila parang sumimangot siya na hindi niya matanggap ang aking sinabi, ngunit hindi ko parin tinigilan sina Luna.

“Yieee! Luna ha, baka pag nakilala mo yan, maantig ang puso mo ng hindi inaasahan,” saad naman bigla ni Jessica.

Doon ay mas lalo akong ginahan mang-insulto kay Lucas dahil sa sinabi ni Jessica kaya’t dinugtungan ko ito.

“Paano nalang nga kung yun yung soulmate mo Luna no? tapos hindi lang nag-papakilala sa ngayon, tapos ang ending kayo pala talaga,” pahayag ko namang muli kay Luna

Bigla akong tinulak ni Luna, “Huy ano ka ba Charles, wag kang ganiyan. Marupok ata ako charot!” pabiro naman ni Luna sa akin.

Doon ay nag-simula kaming mag-tawanan at magbiruan dahil sa nag-padala sa kanila ng pagkain. At habang tinitingnan ko si Lucas, ay parang hindi na natutuwa sa aming pinag-uusapan, ngunit alam ko namang wala siyang magagawa dahil sina Luna at Jessica ang nakikipag-usap sa akin, at ang tanging kaya ko lang gawin ay sakyan ang kanilang pinag-uusapan.