Lucas’s point of view
Nahiga na kami ni Jeremy sa aming mga kama at habang ako ay nakatingin sa kizami ay bigla ko siyang tinanong, “Hanggang kailan ka ba dito?”
Nagulat naman siya sa aking pag-kakatanong na iyon, “Huh? Bakit? Ayaw mo na ba agad na samahan kita?” tanong naman niya kaagad sa akin.
Tumingin ako sa kaniya at nang tumingin ako ay nakatingin din pala siya sa akin, “Hindi naman sa ganoon, nag-tataka lang ako bakit lagi kang nandyan para sa akin?” pahayag ko naman muli sa kaniya.
Umiwas na ako ng tingin sa kaniya at agad naman niyang sinagot ang aking katanungan, “Nag-iisa ka, nag-iisa din ako. At tsaka hindi lang naman basta pag-kakaibigan ang meron tayong dalawa eh, para na din tayong mag-kapatid sa nakikita ko at nakikita ng ibang tao, mas ayos na din sigurong may kasama
