Lumilipad ang isip ko habang hinahatid namin ni Mama sina Cairo at Madame Andrea papunta sa kanilang sasakyan.
Nakatingin ang mga umuusisang kapitbahay namin sa amin. Tumikhim ako.
Tumingin si Madame Andrea sa mamahalin niyang relo at bumaling sa tahimik na si Cairo.
“Mahuhuli ka pa ata sa klase, hija. Ihahatid ka na naming ng anak ko.” sabi ni Madame.
Nagkatinginan kami ni Mama. Kanina pa umalis si Kuya Nial para sa trabaho niya. Walang problema sa akin kung pumara na lang ako ng tricycle papunta sa school. Mas gugustuhin ko pa na mahuli sa klase kaysa sumakay ako kasama ni Madame Silvejo.
“Hindi na po, Madame. Maabala pa kayo—”
Naputol ang sasabihin ni Mama dahil nagsalita muli si Madame Andrea.
“No, Nancy. I insist.” sabi ni Madame at umiling, “I disturbed your daughter. It i
