Hindi ko alam kung ano ang isasagot ko sa kaniya. Gusto kong sabihin sa kaniya na mahal ko rin siya at walang nagbago sa pagmamahal na iyon, pero natatakot ako.
Pinangungunahan ako ng takot na sabihin sa kaniya ang totoo kong nararamdaman. Maiintindihan niya naman siguro ang kalagayan ko.
"Ano nga pala ang ginagawa mo dito?" Pag-iiba ko sa aming usapan.
"Gusto lang kita makita at masigurado na nakauwi ka nang ligtas," sagot niya sa akin at tumayo na siya sa kaniyang pagkaka-upo.
Nagtungo siya sa pinto at binuksan niya ito. Akala ko ay aalis na siya ng hindi man lang nagpapa-alam sa akin, pero may kinuha lang siyang maliit na paper bag sa labas.
Naglakad siya pabalik sa akin at inabot niya sa akin ang paper bag na kinuha niya. Nagtataka naman akong tumingin sa kaniya.
"Para saa
