Heiley's POV.
"Para saan ito?" Tanong ko kay Adrian habang hawak ang t-shirt na bigay niya sa akin na kaparehas nang sa kaniya.
"Wala lang, nung nakita ko kasi iyan alam kong babagay sa iyo," sagot niya.
Pinagmasdan niya ako ng maiigi habang nginingitian. Nilihis ko ang aking paningin dahil pakiramdam ko ay namumula na naman ako.
"Suotin mo iyan ahh," bilin niya sa akin.
"N-ngayon ko na ba dapat suotin?" Tanong ko sa kaniya.
"Ikaw kung gusto mo. Pero sige, para malaman natin kung kasya sa iyo. Hindi kasi ako sigurado sa size mo. Medyo tumataba ka na kasi," pigil tawa niyang sabi.
Tiningnan ko ang aking katawan kung talagang tumataba ako. Katamtaman lang naman at hindi naman totoo ang sinabi niya. Sinamaan ko siya ng tingin, napaurong naman siya ng dalawang hakbang palayo sa akin.
