Chapter 36
"Mom, kumusta na po kayo?" tanong ni Rose sa ina. Nakaharap siya ngayon sa laptop at kausap ang mga magulang via skype.
"Maayos naman kami ng dad mo, baby." Ngumiti ito nang pilit at sa unang tingin ng dalaga may dinaramdam ang ina dahil pumayat ito. Pansin din niya ang telang nakabalot sa ulo nito na animo'y itinatago ang buhok. Hindi niya maintindihan kung bakit laging nakabalot ang ulo ng ina, napansin din niya na medyo nangangalumata ito maging ang boses ay tila namamaos.
"Dad, bakit parang paos ang boses ni Mom?" biro ng dalaga sa ama. "Don't tell me lagi n'yo siyang pinapakanta diyan sa Spain?"
Pilit na ngumiti ang kaniyang ama at inakbayan si Emilia. "Resulta 'yan ng kakaiyak ng mom mo dahil hindi mo man lang kami naalala nitong mga nakaraang araw. Kung hindi ka nabar
