Chapter 18
Walang kakurap-kurap ang taong nakamasid kay Rose mula sa pangalawang palapag ng mansiyon. Mababasa ang paghanga sa mga mata nito habang nakadungaw sa bintana. Mayamaya umihip ang sariwang hangin dahilan para hawiin nito ang sariling buhok na kumalat sa mukha. Hindi nito mapigilang magtanong sa ina.
"Mama, who is she?" tanong nito na hindi man lang inaalis ang paningin sa dalaga. Natigil ang ginang sa paglalakad palabas ng kwartong iyon at nilapitan ang anak na nakadungaw sa bintana. Napangiti ang ginang nang makita kung sino ang pinagmamasdan ng panganay na anak.
"Isn't she lovely, son?" Natutuwa siya sa nakikitang kislap sa mga mata ng binata.
Umiling ito. "Gorgeous is the right word to describe her, mama." Napangiti ito nang matamis subalit nawala rin dahil sa sunod niton
