Chapter 16
Hapon na nang dumating ang pamilya del Mundo sa mansiyon. Matapos ang isang oras na pahinga, sinamahan ni Rose ang mga magulang sa sementeryo. Bukas na kasi ang flight ng mommy at daddy niya patungong Spain at gusto ng kaniyang ama na dumalaw muna sa puntod ng mga magulang.
"Matagal na pala noong huli tayong dumalaw sa kanila, dad," wika niya habang nagmamaneho.
"Oo nga, anak. Kaya gusto naming dumalaw ng mommy mo dahil baka abutin na naman ng taon bago kami makabalik."
"You mean, dad..." Tumingin siya saglit sa ama para kumpirmahin ang sinabi nito at itinutok muli ang mga mata sa daan. "Magtatagal kayo sa Spain?"
"Yes, baby," wika ng kaniyang ina. Tininingnan niya ito sa rear view mirror at nakita niya na malungkot ang mga mata nito.
These past few days marami siyang napa
