Chapter 14
Third Person's POV
Miyerkules ng hapon, nagmamadaling umalis si Rose sa opisina dahil nangako siya na pupunta sa bahay ng mga magulang bago umuwi sa condo. Lagpas alas singko na ng hapon natapos ang meeting kaya dumiretso na siya sa naghihintay na kotse ngunit papasakay pa lang siya nang may maramdaman siyang matigas na bagay sa kaniyang tagiliran. Lilingon na sana siya para tingnan kung sino ang nasa likuran ngunit biglang idiniin ng kung sino ang matigas na bagay bago nagsalita.
"Itaas mo ang mga kamay mo kung ayaw mong kumalat ang bituka mo sa lugar na 'to."
"Sino ka?" tanong niya. Hindi niya ito sinunod bagkus mabilis na hinawi ng kanang braso niya ang baril na nakatutok sa kaniyang tagiliran. Sinuntok niya ito sa tiyan at sinipa ang kamay dahilan para tumilapon ang bari
