Chapter 28
Kaagad na binuksan ni Rose ang pinto at nadatnan niya ang tatlong tauhan na nakahandusay sa sahig. Namimilipit sa sakit ang mga iyon. Nang iangat niya ang paningin ay nakita niya si Vin na panay ang ilag sa mga suntok na nanggagaling sa isang lalaki. Nakatalikod iyon kaya hindi niya makilala pero parang pamilyar sa kaniya ang bulto ng pangangatawan nang lalaki. Maskulado iyon at lagpas balikat ang buhok.
Natulala siya sa nakita. Parang kilala niya ang lalaki, parang pamilyar sa kaniya pero hindi niya mawari kung bakit papalakas nang papalakas ang t***k ng kaniyang puso. Parang ngayon lang iyon tumibok mula nang magkahiwalay sila ng ama ng kambal.
Napahawak siya sa kaniyang dibdib at pilit na inaapuhap kung bakit gayon na lang iyon kung tumibok. Parang nagririgodon, parang nag
