Chapter 27
"Oops! Subukan n'yong humawak ng baril! Magkakasubukan tayo!" galit na wika ni Rose sa lalaking katransaksiyon ni Javier at sa mga tauhan nito. Sa tantiya niya ay nasa limang tauhan ang naririto. Apat ang naglalaro ng baraha at 'yong isang inutusang kumuha ng kahon. Iniumang niya ang hawak na baril sa mesa kung saan naglalaro ang apat na lalaki at ang isa naman niyang baril ay sa gawi nina Javier.
"Akalain mo nga naman," ngumisi 'yong lalaking nakasuot ng fedora hat, ang pinakapinuno ng mga lalaking naroon. Ayon sa kaniyang Tito Anton, ang lalaking iyon ay si Drago, isa sa mga taong nagtraydor sa kaniyang ama. "Ang aga mo namang dumating. Sa wakas lumabas ka rin sa lungga mo. Alam mo bang pitong taon na kitang hinahanap?" Pansin niya ang pagiging sarkastiko nito. Wala namang i
