Chapter 30
"I thought you are not allowed to drink." Kanina pa pinagmamasdan ni Rose ang katabi. Nababahala siya sa kalagayan nito. Ang alam niya kapag may iniinom na gamot ay hindi advisable ang pag-inom ng alak, pero ang katabi niya ay nakailang shot na.
Iginala niya ang paningin sa pag-asang makita si Cathy para masabihan ito tungkol sa kapatid, pero hindi niya mahagilap ang kaibigan. Ibinalik niya ang paningin kay Leester at nagulat siya nang mapansing tinititigan siya nito.
"Palagi kang umiinom ng alak?" tanong ni Rose. Kabado siya dahil baka manakit na naman ang ulo nito, nasa bar pa naman sila. Hindi niya alam ang gagawin kapag nangyari iyon. Ibinaba niya na lang ang hawak na baso dahil parang walang plano sumagot ang katabi niya na abala sa pagtitig sa maganda niyang mukha.
"Pa
