Pagkatapos naming kumain ay hinatid na niya ako sa magiging kwarto ko. Pagkatapos ay umalis na rin siya. Hindi naman ito maliit sakto lang para sa dalawa o tatlong tao. Bukod doon ay malinis din at mabango ang kabuohan ng silid. Pagkasara ko ng pinto ay nakaramdam na naman ako ng lungkot. Simula ngayong araw ay mag-isa na akong muli. Kahapon lang may asawa pa akong maituturing. Pero ngayon nawala na ang lahat-lahat sa akin.
Hindi ko parin mapigilan ang maiyak. Matagal din ang naging pagsasama naming dalawa kahit may mga araw na nagtatampo ako sa kanya. Alam ko naman na bumabawi siya hanga’t kaya niya. Pero siguro matagal na rin siyang nagtiis sa akin kaya ganoon na lamang niya ako kabilis bitawan. Nang dahil sa picture na yun namin ni Daryl.
Inayos ko ang mga dala kong damit sa maliit n
