"Oo na... Lumayas ka na sa harap ko. Naiirita ako sa pagmumukha mo," pabalang na wika ni Elise, sabay talikod at nahiga sa sofa, kinuha ang isa sa mga mamahaling throw pillow para itakip sa kanyang mukha.
Sa halip na magalit sa narinig, isang mahinang tawa ang kumawala sa lalamunan ni Kyler—isang tunog na bihira lang marinig mula sa isang seryoso at kinatatakutang abogado. Naaliw siya sa tindi ng pride ng kanyang bagong asawa.
"Galit na galit, Mrs. Azurin?" panunukso pa nito habang humahakbang na patungo sa master bedroom. "Matulog ka na. Huwag mo akong panaginipan."
Narinig ni Elise ang marahang paglapat ng pinto ng kwarto, hudyat na mag-isa na lang siya sa malawak na sala. Ibinaba niya ang unan sa kanyang mukha at napatingin sa kisame. Bagaman naiinis siya sa kayabangan ni Kyler, hind
