Alas singko ng hapon, sakto. Nagising si Elise na may malawak na ngiti sa kanyang mga labi. Napakasarap at napakahimbing ng tulog niya sa malambot na king-sized bed. Ramdam na ramdam niya ang panalo sa unang round ng asaran nila ng asawa niya.
Inayos niya nang bahagya ang kanyang sarili bago dahan-dahang binaligtad ang lock ng pinto. Pagkabukas niya, agad na nakita ng kanyang mga mata ang isang eksena na muntik nang magpabunghalit sa kanya ng tawa.
Si Kyler—na hindi pala nakatulog—ay nakaupo sa sofa. Magulo ang buhok nito, nakabalot pa rin ang kumot sa kanyang balikat dahil sa lamig ng aircon, at may hawak na tasa ng kape. Ang mga mata nito ay nakatitig sa kawalan, halatang pagod sa paninigas ng katawan sa maliit na sofa.
Nang marinig ang yabag ni Elise, dahan-dahang lumingon si Kyler.
