Carlos' POV
HINDI nakaligtas sa paningin si Karla ang ngiting napunit sa labi ko habang nagmamaneho ako ng aking kotse. Nakaramdam kasi ako ng tuwa ng makapasok na kami sa bayan ng Mabitac.
"Narito na ba tayo sa bayan ninyo, Carlos?" tanong niya sa akin. "Bigla ka kasing ngumiti. Halatang masaya ka na."
"Yes, Karla," tugon ko sa kanya. "Narito na tayo sa Mabitac. Sa bayan namin."
"Malapit na ba tayo sa inyo?"
"Medyo malayo pa. Pero huwag kang mag-alala at makararating din tayo roon."
Tumawa siya ng mahina. "Hindi ko naman gugustuhing hindi tayo makarating sa ating pupuntahan."
"Na-miss ko itong bayan namin, Karla. Almost two years na rin akong hindi nakauwi rito."
"Sa bahay ka kasi nag-celebrate ng new year's eve nitong taon na ito. Dahil iyon ang first new year celebration natin a
