Caress' POV
ISANG linggo ang lumipas mula ng umuwi sa Manila si Raim. Ikinagulat ko ang pagdating ng hindi ko inaasahan tao. Labis talaga akong mabigla ng sabihin ni Lola Minda na narito daw sa de Guia’s mansion si Janelle.
"A-ano pong ginagawa niya rito?" bulalas ko na nasapo ang sariling dibdib. "Bakit po siya pumarito sa Mabitac?"
"Ewan ko, apo," ani Lolo Minda na halata ang takot sa salita at pagkilos. "Baka manggugulo na naman siya. Naku! Mag-ingat ka, Caress. Baka kung ano na naman ang gagawin niyang kalokohan."
Inihanda ko na ang aking sarili bagama't may takot pa rin akong nararamdaman. Oo, pupuntahan ko si Janelle para harapin. Pero titiyakin ko na, na hindi ko na hahayaang may gawin pa siyang masama laban sa akin.
"Halika, lola," anyaya ko sa kanya. "Bumaba po tayo."
