Gabriela
Napatulala siya saglit sa mukha ni Liam dahil ang lapit nito. Halos maduling na siya, pero napansin niya ang mukha nito na may pag-aalala na hindi niya mawari kung saan. Gusto niyang magsalita, pero kagigising niya lang at wala pang toothbrush, kaya nanatiling nakatitig lang siya sa mukha nito.
"Bakit ayaw mong magsalita? May nangyari daw sayo kagabi, sabi ni Rapunzel."
Kumunot ang noo niya sa sinabi nito dahil natulog lang naman siya kagabi pagkatapos niyang kumain dahil hindi naman umuwi si Liam, kaya mag-isa siyang kumain ng hapunan. Pero ano itong sinasabi niya?
Hinawakan nito ang mukha niya, kaya nanlaki ang dalawang mata niya. Sinuri pa kasi nito ang buong mukha niya, at medyo nailang siya do'n.
"Gabriela. Naririnig mo ba ako?" Habang hawak nito ang braso niya ay inalog
