Gabriela
Nang araw na may seryosong usapan si Gabriela at Rapunzel ay mas lalong naging close ang dalawa, at sa tuwing walang kausap si Gabriela sa mansion ay si Rapunzel ang naging daan para mawala ang pagka-inip niya sa loob ng mansion. Isang buwan na rin ang nakalipas at ngayong araw aalamin nila kung nabuntis nga ba si Gabriela.
Tatlo sila na nasa kwarto ngayon ni Gabriela. Si Liam na panay ang pabalik-balik ng lakad, si Rapunzel na naghihintay sa pinto ng banyo, at si Gabriela na nasa banyo para kumuha ng ilang patak ng ihi niya para ilagay sa pregnancy test. Bale dalawa ang pregnancy test ang nasa kamay niya ngayon at hinihintay na lang niya kung lilitaw ba ang dalawang pulang linya, pero habang hinihintay niyang lumitaw ang resulta ay kumatok na si Rapunzel at pinalalabas na siya.
