Hindi ko agad nalaman na marami ka na palang manliligaw rito sa production, Mariah."
"Po? Hindi po, Ate Tess."
"Sus, itinatanggi mo pa! Inamin na sa amin ni Sir Dexter ano ka ba?! Alam mo mabait iyang si Sir Dexter. Gwapo pa. Paano? Maiwan ko na kayo. May gagawin pa ako."
Sa hindi kalayuan naman ay napasimangot si James dahil base sa pag-obserba niya sa naging pag-uusap nila Mariah ay tila itinataas din ni Ate Tess si Sir Dexter sa dalaga.
"Akalain mo. Hindi ba at sinasabi mo dati na walang muwang si Mariah?! Ano at ngayon ay nililigawan mo na?!"
"Eh ganoon talaga. Ano naman ang magagawa ko kung biglang gusto siya ng puso ko?"
"Puso ba o puson?!" natatawang wika ni Rex.
"Puso! Ga*u!" sagot niya rito.
"Kaso, James. Mukhang malakas ang hatak ni Sir Dexter sa mga fans niya. Marami
