“A-anong meron sa picture?” uutal-utal na tanong ni Adeline.
“Tanga-tangahan, Adeline? Malamang, family picture,” sabi ni Alice saka ibinaba ang kinakain at uminom ng coke. “Oh, bakit di ka pa kumuha? Alam ko namang gustong gusto mo nang humingi.”
Umirap pa si Adeline bago galit na kinuha ang isang malaking bowl ng french fries saka nagsalita, “Paano niyo naman nasabing family picture yan? Baka nagkataon lang na nagkasama sila sa picture. Wala namang nabanggit si Kuya Tommy na...na may kapatid siya. Ang tanong ko ay bakit kayo naghahanap ng tungkol kay Paul?”
Nagkatinginan si Alice at Henry bago tuluyang nagsalita si Alice, “Pagkagaling ko sa bahay niyo noong birthday mo, nagpunta ako sa psychiatrist ko dahil natrigger ako ng sobra kinagabihan. Halos magmamadaling-araw na ako nang umang
