"Goodnight, Lo," maikling paalam ni TJ. Agad siyang tumayo mula sa hapag-kainan at humalik sa pisngi ng matanda.
Ni isang sulyap o tango ay hindi niya ibinigay kay Ethan, na tila ba naging hangin na lamang ang presensya ng abogado sa kanyang paningin.
Naiwang nakatingin si Lolo Ricardo sa paakyat na apo bago binalaling ang tingin kay Ethan na bakas ang amusement sa mukha. "Sundan mo na, Ethan. Galit na naman tiyak sa iyo 'yun," nakangiting wika ng matanda.
"Okay po, Lo. Goodnight po," sagot ni Ethan bago mabilis na humakbang patungo sa hagdan.
Naabutan niya si TJ sa tapat ng pintuan ng silid nito. Bago pa man maisara ng dalaga ang pinto, mabilis na nailagay ni Ethan ang kanyang kamay para harangin ito. Pumasok siya sa loob at hinarap ang dalagang nakasimangot.
"Galit ka?" tanong ni E
