Matapos ang masiglang almusal, tumayo na si Ethan at magalang na nagpaalam kay Lolo Ricardo. Hindi rin nagpahuli si TJ, mabilis siyang lumapit sa matanda at humalik sa pisngi nito bago sumunod kay Ethan palabas.
Sa loob ng sasakyan, namayani ang panandaliang katahimikan habang binabaybay nila ang daan patungo sa university. Ngunit ang isipan ni TJ ay bumalik sa unan na "ninakaw" niya kagabi.
"Mamaya, 'yung isang unan mo naman ang gagamitin ko, ha?" basag ni TJ sa katahimikan, habang nakatingin sa labas ng bintana.
Natawa nang mahina si Ethan nang hindi inaalis ang tingin sa kalsada. "Bakit? Naubos mo na ba agad ang amoy nung unang kinuha mo kagabi?" pambubuska nito. "Kung gusto mo, ibibigay ko na sa iyo 'yung pabango ko. I-spray mo sa buong kwarto mo para hindi mo ako masyadong hinahana
