"Para sa akin, hindi date 'to, Ethan... malling lang 'to," pagpupumilit ni TJ habang nakatitig sa hawak na menu, pilit na itinatago ang biglaang pagkabog ng kanyang dibdib. "Hindi mo naman ako inaya nang maayos, eh. Mall lang ang sabi mo. Ang tanong mo lang sa akin kanina, 'Gusto mo mag-mall?'" dagdag pa ng dalaga na nakataas ang isang kilay, tila naghahanap ng butas sa depensa ng abogado.
Bahagyang natawa si Ethan, ang kanyang mga mata ay nananatiling nakapokus sa mukha ni TJ na unti-unti nang namumula. Sumandal siya sa upuan at sinalubong ang tingin nito nang may pilyong ngiti.
"Sige, hindi na date kung ayaw mo," pagsuko ni Ethan, ngunit ang tono ng kanyang boses ay mas lalong lumalim at naging mapang-asar. Yumuko siya nang bahagya paitaas upang mas mapalapit ang mukha sa dalaga. "Baby
