"TJ... nag-usap na tayo, 'di ba?" seryosong wika ni Ethan, pilit na ibinabalik ang kanyang pagiging disiplinado kahit pa gustong-gusto na rin niyang tabihan ang dalaga. Nag-angat siya ng tingin at marahang tinanggal ang mga kamay ni TJ sa kanyang leeg.
Napasimangot agad si TJ at tinignan siya nang masama. "Bakit? Kapag ikaw ang hahalik sa akin nang ganoon, okay lang? Pero kapag ako, bawal?" pagmamaktol niya, sabay cross ng kanyang mga braso sa dibdib.
Natawa nang mahina si Ethan sa tindi ng logic ng kanyang kasintahan. Umupo siya nang maayos sa tabi nito at hinawakan ang isa nitong kamay.
"Hindi sa bawal, baby. Pwede naman, pwedeng-pwede," nakangiting pag-among wika ng abogado, hinuhuli ang nagtatampong tingin ni TJ. "Ang sa akin lang, kapag magkatabi tayo sa iisang kama nang ganito...
