Ikinasal na sila ni Macarius kahapon at talaga namang sulit ang lahat ng hirap at pagod dahil naging masaya ang naging kasal nila.
“Masaya ka ba?” tanong niya kay Macky. Ito lang naman kasi ang hinihiling nito sa kaniya. Ang maikasal sila dahil lumalaki na raw ang mga bata.
Tumango ito habang nakangiti. Hanggang ngayon ay nakahiga pa rin silang dalawa ganoon din kambal. Tulog pa kasi ang dalawa dahil madaling-araw na natulog ang mga ito.
“Yup,” sagot nito sabay tingin sa suot nitong singsing. Ang tanda ng pag-iisang dibdib nila kahapon. “Bagay ba sa akin?”
Tumango siya. “Bagay na bagay.”
“Really?”
“Hmm.”
“Akala ko tatanda akong binata,” sambit nito. “Wala naman kasi talaga akong balak na mag-asawa kung hindi ikaw ang ihaharap ko sa simbahan.”
“Imposible ‘yon. Ikaw pa.”
“That is t
