Kinabukasan ay panibagong araw na naman para kay Teman. Maaga siyang pumasok sa kanilang paaralan at ginawa ang mga tungkulin bilang mag aaral at napansin ni Teman na hindi niya nakikita ang gurong si Bertulfo. Pag dating ng tanghali ay nag tungo ang tatlong magkakaibigan sa ilalim ng malaking puno sa loob ng kanilang paaralan. Naupo sila sa damuhan, si Sandy ang sa gitna at sa kaniyang kaliwa naman ay si Teman. Pagkaupo nila ay huminga ng malalim si Sandy at tumingin kay Teman. “Ano? Mamaya?” tanong ni Sandy.
“Nandiyan pa rin ba kuya mo?” tanong ni Teman na parang nag aalangan dahil ang totoo ay ayaw niyang pumunta sa mansyon nila Sandy.
“Oo naman ‘no. Sa’n naman pupunta ‘yon si kuya” pagmamalaking sagot ni Sandy. Ang ibig sabihin ay naroon pa ang kaniyang kuyang si Aaron.
“Marami bang
