Kiko
Tahimik akong nagtatrabaho sa working table ko. Masusing pinag aaralan ang mga susunod na proyektong nakuha ng GCC.
Ang mga draft na naka save sa aking laptop ay isa-isa kong ini scan. Sa patuloy kong pag scroll nakita ko ang dating draft ng Samantha's Hotel sa Quezon Province. Matagal nang tapos 'yon ngunit nasa akin pa rin ang draft at floor plan nito. Naalala ko na naman ang mga pangyayari noong huling punta ko doon. Matapos kong bugbugin si Caloy ay hindi na ako bumalik pang muli sa bulwagan kung saan ginanap ang reception at nagdesisyon na lang na umalis. Dala-dala ang galit at bigat sa dibdib.
Mag isa akong bumiyahe ng araw na iyon. Nagpaiwan muna si Erwin at tinapos ang kasal. Umuwi ako ng bahay dito sa Manila. Nagkulong lang ako sa loob ng bahay at nag ayos ng mga dapat ay
