Busy na maghapon si Bernice sa kusina. Buti na lang, tinulungan ito ng kakambal na si Brendan na tumanggi sumama sa mga kasamahan na mag-swimming.
Abalang nagtitimpla si Brendan ng mga liempo na napagkasunduan nilang ihawin mamaya. Habang naghahalo siya ng mga karne ay napatili ito nang may yumakap na bisig sa kanyang baywang.
“Ayyyy!” tili ng bakla. “Punyeta kang babae ka! Tigilan mo ang kakapantasya sa alindog ko!” ani Brendan kay Georgina na malaki ang ngisi.
Nagmamadaling tumakbo si Gerard sa kusina ng marinig ang tili ng kakambal ng nobya. Umasim ang kanyang mukha nang makita ang pamangkin na nakapulupot ang mga braso kay Brendan.
“Georgina! You brat!” Namula si Gerard sa ginawa ng pamangkin.
“KJ mo naman Tito! Para binibiro lang ang beking ito!” Tumulis ang nguso ni Georgina at
